(Pagina in costruzione………………..)
Qui voglio ricordare uno dei tanti che ha sentito il bisogno di esprimere il suo amore verso la nostra città natale.
Andando indietro nel tempo vorrei ricordare un vero poeta e uomo, sempre attento ai bisogni dei più poveri, il cui figlio (Italo) mi ha onorato della sua amicizia. Ha lasciato tante testimonianze della sua cultura, fra cui “Libriceddu du paisi” un libro di poesie, in dialetto licatese, da cui ho tratto:
“Cungedu”
– Và libriceddu, và nmenzu li genti,
ma ‘un essiri sgarbatu né arruganti.
Anzi, quannu a quarcunu t’apprisenti
dicci ca tu ‘un si libru farfanti.
–Commu ‘ddri libra di certi upiranti.
Dicci: Siddru nun sugnu boni a nenti,
cumpatitimi comu a ‘nu gnuranti.
Nun sugnu un libru pritinnenti.
–Và, libriceddu, e quannu si luntanu
si scontri quarchi sceccu malandrinu
ca ti voli ppi forza scappisari,
dicci: Vigliaccu sugnu sicilianu,
figliu carnali di Ninu Marinu
e cuntu la mia.. e ddrocu
l’accumenzi a timpuliari
a nomi du curaggiu e di lu scandu!
“La prucissioni“
– Arsirà chi cci fu?…… – “Zzitti, cummari,
‘na prucissioni ch’era ‘na sciumara,
e ‘a fudda si pidiava appressu ‘a vara.
Dintra un nenti chi fu…. chi v’a’ cuntari?…..
– successi un fui-fui. Largu! … spara…..
ferma! ….. carrabineri! ….. Ppaccurzari……
ppì lu scantu mi ficiru pisciari,
ppì curpa di na tinta vaniddara.
– Ma chi cci fu?…… – Nca nenti,
un fraschittuni, apprufittannu di la cunfusioni
cci desi a ‘na carusa un pizzuluni.
– E fici tantu fetu? ….. Chi babbiuna …….
– pirchi si fannu allura i prucissioni?
– Cummari, era picciotta nuvidduna!